كلام هبل

خلاص .. طفيتوا النور وقفلتو الشبابيك

ان ان ااااااااااان

ديه موسيقى رعب لزوم الساسبنس

طبعا لازم يكون معاكم .. رجل ضفدعة يتيمة

وعين برغوت احول .. وديل فار أرمل .. و

امممممممم كفاية كدا

احنا دلوقتي هنعمل عمل .. وهنكتبه على جناح دبانة رخمة تعد تلف بيه الدنيا علشان محدش يعرف يجيبها






اللي فوق .. كانت مقدمة للموضوع اللي نفسي افهمة واعرفة
جايز يكون متخلف من وجهة نظر البعض .. بس خدوني على اد عقلي
نفسي اعرف هي الاعمال ديه حقيقة فعلا .. يعني شئ واقعي .. ولا كله كلام هبل زي اللي اتقال فوق
وشغل نصابين ودجالين .. زي ما بنشوف في الافلام العربي البايتة

يعني بشوف ناس على درجات عالية جدا من العلم .. ومؤمنة جدا بالحاجات ديه
مثال : استاذ جامعي متجوز استاذة جامعية .. بنتهم طبيبة .. كل ما يتقدملها عريس ويتفقوا ..يروح ميرجعش
البنت مفيهاش عيوب .. قالو اكيد ده عمل .. وراحوا لناس يقال بيعرفوا بالقران ..

مثال تاني: واحد طالب كان ماشي صاروخ في التعليم .. وفجاة دماغه ضربت وباه يعمل حاجات غريبة .. الاهل بيرجحزا نفس السبب

لو فعلا الحاجات ديه تخريف .. ايه اللي يخللي ناس بالمستوى ده تفكيرها يوصل للمستوى ده

اللي خلاني افكر في الموضوع .. اني كنت عند الجزار بطلب منه scapula عضمة الكتف تقريبا .. علشان ازاكر عليها
ادهالي مكسورة .. قلتله لا انا عايزاها سليمة .. الراجل راسه والف سيف يكسرها
فشرحتله انها للكلية وكدا
فين وفين على ما اقتنع .. وقاللي اسباب رفضه .. لانها بتستخدم في الاعمال وما شابه

هو احنا خلاص وصلنا للدرجة ديه من السطحية ؟


--------------------
السر في مأساتنا

صراخنا أضخم من أصواتنا

وسيفنا أطول من قامتنا