مشوار عوق

السلام عليكم

وأضع بين أيديكم هذه القصيده التي تتكلم عن حالها ولا داعي لمقدماتها:

البارحه ما بين اروق خاطرن عيا يروق
غيوم حزني بيتتني وأبتلت وأبليتها
أمطر شقاها في حشاي ويا بلاي بجيش موق
العبره اللي ودها تنزل ولا رديتها
تنزل تحت تحت تحت ومن المحال تعود فوق
خليتها من فوق خديني ولا مشيتها
وصحت مشاريه السنيين اللي مهي تبغي تفوق
واوراق طاويها الزمن من وقت ما خليتها
الصدر جال الهم وهمومي عليه حيام نوق
تارد وانا وشعدري تصدر وانا ما اسقيتها
لو للهوى قاضي فأنا مظلوم حق ولي حقوق
طعنة رفيق في الظهر باموت ما شليتها
غابت فوانيس الوفاء وانا أتحرى للشروق
على اماني ( علها ) ( با جعلها ) ( يا ليتها )
ويش يجني الأنسان من حبه سوى مشوار عوق
( جروح ) تحيى به ولا يقدر على تمويتها
الحب تركيبة مشاعر حس ومحاتى وشوق
ماهو بدله كل ما تضما لها صبيتها
لا صرت طيب وادمح الزله وحساس وخلوق
ماهو بلازم كل ما تقصر معي مشيتها
للعذر حد وللغلا قيمه وللتعبير ذوق
وشلفا خفوقي المستضيق أبطيت ما سليتها
اللي غلاها في دمي يا جعل تبكيه العروق
حتى أسمها في فمي باموت ما ناديتها
ما عادني للوصل وللضحكه ولقياها شفوق
الله يسامح جرحها ويبيحها لا أطريتها
لوها عطت قلبي نصف ما أعطيتها حب صدوق
ما كان أقول من الندم غلطه وانا سويتها

وسلامتـــــــكم